Yagene internet kok mesthi lemot
Kamangka pajeke ora tau pedhot
Ora ngerti yen kangen iki samsaya abot
Tak ampet neng ati nganti wis ora amot
Ndilalah aturan mudhik yo tambah kolot
Dalan dicegati, wis ora bisa ngepot
Kajaba ana sing wani mberot
Padudon karo para aparat nganti alot
Dhuh piye iki internet kok isih lemot
Diajak mlayu kok malah ngesot
Rasane seret kaya mangan gathot
Ayo ta, Pak... gek ndang digenjot
Opo ndadak dijugil dhisik nganggo pangot?
Kangenku iki lho, tambah sumedhot
Suwe-suwe sirahku melu cekot-cekot
Dadi tambah panas atiku kaya keslomot
____________________
*guritan wengi,
nalika Internet lemot
